香港新浪網 MySinaBlog
« 上一篇 | 下一篇 »
火羽 | 10/06/10 | (日常系), (惡搞系) | (195 Reads)

晴空版

遲來的兩週一聚五月專題.

如果我沒有媽媽這樣訓練, 我又會是什麼程度的獅子呢? 我跟媽媽一樣是獅子座, 遺傳了她某幾個星座相位, 簡言之我性格是跟她倒模複製. 小妹喜用"屎坑石頭"去形容我的脾氣, 而我又臭又硬脾氣卻是媽媽一手打出來~ :p (好像離題了~)

自小當我犯錯或不聽教的時候, 媽媽進行藤條體罰, 一打便二、三十下, 雙手雙腳絕對有相關紀錄. 如果體罰都不能令我屈服, 而繼續堅持不認錯的話, 紀錄將不斷更新中. 因為我認為是對, 那實在沒道理由去認錯或放棄堅持. 這種堅持令慢慢地讓我開始習慣體罰, 漸漸地不哭不叫, 後來更膽大不怕. 之後囂張放肆地對說: 我就是不認錯, 體罰純為她的發洩, 我任她打到滿意為止.

我當然被她更狠狠修理~ 

近年媽媽終於解釋我之所以遭遇很多很痛很慘的體罰, 目的是要我學會屈服. 事實上, 這方法對我兩個妹妹是奏效, 因為她們倆認錯速度很快; 而我卻.... 坦白講, 硬碰硬是不能教曉我什麼是屈服, 卻教懂我什麼是忍耐、承受.

獅子是非常驕傲自大, 為了面子可以為堅持而堅持. 更時常因為不如意的事, 或別人的無禮挑釁而火氣爆發. 或者同為獅子媽媽了解這些缺點, 深怕早晚成為我的絆腳石, 於是才出此下策吧. 其實我堅持什麼都沒所謂, 只要好好想清楚為什麼堅持、有什麼值得需要為此而承受便可以. 否則, 我會墮入獅子座另一通病- 剛愎自用, 待我領悟到這些已經是成年之後的事.

媽媽亦喜採用母獅教導幼獅方法, 可能英雌所見略同吧~ :)

母獅會先踢幼獅落山崖, 然後讓牠靠自己力量慢慢爬上來. 當幼獅爬到山頂的時候, 母獅又再一次踢幼獅落山崖, 之後不斷重複又重複. 我就是這樣被教出來, 每當我身陷麻煩、險境的時候, 媽媽是不會伸出援手. 她只會在外面等我, 耐心等我慢慢處理完畢. 

影響我相當深遠的中學排斥事件, 媽媽一直採取袖手旁觀方式, 對我隻字不提. 我曾經要求媽媽替我申請轉校, 她說這理由不充分而拒絕. 這個拒絕令我寧願迷失, 將自己鎖入漫畫世界, 也不對任何人求救. 漸漸地我了解到走出困境是要能靠自己能力和適當契機來臨, 而非父母的關心, 於是選擇呆呆地等時間過去.

事實媽媽當年有找班主任追問到底發生什麼事, 可是她選擇對我沉默. 因為她明白獅子喜歡自己解決, 寧願碰壁也不會聽勸告, 所以她讓我慢慢思考怎樣處理, 也不催促我急急去改變. 這其實是一種尊重, 一種小孩難以理解的尊重, 因為媽媽的字典是沒有"放棄"一詞.

前陣子小妹意外失戀, 媽媽便一大早急召我去開解她. 那時候我問媽媽當年我遭遇到更糟糕情況, 為什麼對我不聞不問. 而她的答案是我沒有提出要求. 天啊~ 那我的確沒有跟爸爸媽媽提過隻字片語, 所以她們要關心我也不知要從何開始. 

話說回來, 我一直很感激她們對我放任, 讓我嘗試獨自面對全部, 正如鄰居 blogger Shawn 曾經提過 "上天只會給人能過的難關; 過不到的, 根本就與你無關". 雖然我會時常感到無助與無力, 但給我機會思考如何處理.  

獨立自主就是媽媽一直訓練我的目標.

月天刑相已說明讓我沒辦法倚賴她, 必須如幼獅靠自己力量保護自己、適應環境且掙扎求存. 或者她早已預知我會走上爸爸喜歡的獨特世界, 所以才如此培育我、教導我. 月天刑相同時意味親子間關係不太好, 我們唯有分開居住, 才能令之間關係完滿. 無論如何, 我由衷感到幸福出生於這個家庭.Related Posts with Thumbnails


[9]

我都係獅子, 大家都是硬頸派! 我爸爸都係獅子, 不過佢話驚一出手就要送醫院, 所以我家是沒有體罰的, 但兒時責備當然小不了...我家對我是放任政策, 很多事情都是自己處理, 問題自己解決, 媽媽常常辨稱自己不是偏心, 只是對細妹的關心方式跟對我的不同...都係ge, 我從來都不會求救, 因為我是"求人不如求己"的虔誠教徒...不過呢, 我係一個很會自我反省的人, 所以就應該未會墮入剛愎自用的陷阱


[引用] | 作者 まこと | 22/06/10 | [舉報垃圾留言]



我地條頸係鑲鋼板, 係咪.
原來我吸左咁多獅子女生過來, oh! 你會自我反省非常不錯, 好多獅子真係會墮入剛愎自用的陷阱, 我自己見過唔少好多好蠻既獅子.

[引用版主回覆] | 作者 飛天火羽 | 23/06/10

[8]

火羽:

今日強烈有覺得自己係隱閉青年的我覺得自己搞掂3餐的生活好似自己係自己一個人生活的樣子......

開始感到沒有與家人溝通的我,有點不正常


[引用] | 作者 pan | 20/06/10 | [舉報垃圾留言]



唔係唔正常, 可能你心理上覺得暫時唔需要, 當有需要你就會主動做野, 可能與媽媽衍生另一種關係, 不再單單是母女關係.
現在無動機, 係比較難改變~
你最近點, 好耐無向我報告近況喎~ :) 點都好, 比心機讀書, 好好為自己加油!!

[引用版主回覆] | 作者 飛天火羽 | 20/06/10

[7] Re: 飛天火羽
飛天火羽 :
係大個先諗出來, 那又如何~ :p 細個係完全唔好, 但而家諗通左咪ok, 我總唔可能一世唔鍾意佢啫~


唔好以為我笑你先得ga(真)
其實你呢種諗法﹐同我細個有D似啦﹐所以有少少同感
不過我同你最大分別﹐係我媽子係乜都管﹐搞到出現牛頓第三定律﹐開心到爆啦(笑)

文少
[引用] | 作者 文少 | 19/06/10 | [舉報垃圾留言]



語氣似呀嘛, 你唔係好鍾意教訓我咩~
可能教女同教仔唔同掛, 伯母怕你太野性難馴, 我媽就怕我太倚賴習慣掛. 幾好呀, 伯母令你出唔少文少定律, 好有前途!! :p

[引用版主回覆] | 作者 飛天火羽 | 19/06/10

[6]

我相信﹐呢D睇法係你大個先諗出來的(笑)
我認為﹐你細個同你阿媽關係唔係太好

文少
[引用] | 作者 文少 | 16/06/10 | [舉報垃圾留言]



係大個先諗出來, 那又如何~ :p 細個係完全唔好, 但而家諗通左咪ok, 我總唔可能一世唔鍾意佢啫~

[引用版主回覆] | 作者 飛天火羽 | 17/06/10

[5]

天將降大任於斯人也!

謝天下
[引用] | 作者 謝天下 | 12/06/10 | [舉報垃圾留言]



肯定唔係, 怕我惹麻煩就真!

[引用版主回覆] | 作者 飛天火羽 | 14/06/10

[4]

父母懂因材施教真好~

豬兒
[引用] | 作者 豬兒 | 12/06/10 | [舉報垃圾留言]


咁岩咋, 我d係我倒模成品, 似佢地比較易教. 但係咁打法, 都曾經好長時間唔鍾意佢地~

[引用版主回覆] | 作者 飛天火羽 | 14/06/10

[3]

剛剛看以為妳想說童年不快事而已,原來伯有教子女都有好自已一套學問,而且看來語重深長...

還好妳可以用星座去解釋原因,否則如果只持一般想法,我相信父母子女的關係會好難修補.

kenken
[引用] | 作者 kenken | 12/06/10 | [舉報垃圾留言]



父母點會比我陰影, 只係細個唔鍾意佢地兩個. 而且過左廿歲之後, 先發現因為我媽夠狠, 我先唔會因剛愎自用而鑄造終生大錯. 因為我見到有位另一位獅子朋友因為硬頸而幾乎前途斷送~
星座只係總結, 我之前並唔知呢個相位. 我只係諗點解父母咩都唔肯講, 而一味仲一開口就鬧我. 到我接手教育小妹時候, 我開始明白佢地立場, 亦從中調停各人同做遊說角色.
再細心想只有呢個阿媽由我鍾意做咩就做咩, 或者佢想藉著我反叛去實現佢當年諗法, 做一個獨立自主, 無拘無束既人~

[引用版主回覆] | 作者 飛天火羽 | 12/06/10

[2]

很有同感,我也是獅子座,條頸都好硬
不過媽媽不是獅子,所以小時候不算被打得很慘

Kin Yan
[引用] | 作者 Kin Yan | 11/06/10 | [舉報垃圾留言]



獅子缺點多到呢~ (遠目) 因為我地條頸係鑲鋼板~ :p

[引用版主回覆] | 作者 飛天火羽 | 12/06/10

[1]

當年'自己鎖入漫畫世界',好彩你冇一沉不起啫,唔係就變o左隱蔽青年.

o衣o家就朋友多的是了.

慧瑩
[引用] | 作者 慧瑩 | 11/06/10 | [舉報垃圾留言]



不會啦, 我性格咁爆應該做唔到隱青.
何況隱青代表向現實世人認輸. 當日因為能力不足而夾硬過認輸, 我唔會再比機會向任何事認輸. 有時覺得隱青可能差d機會, 但事實係藉口太多, 作繭自縛~

[引用版主回覆] | 作者 飛天火羽 | 12/06/10